1Afbókanir og endurgreiðslur
Afbókun skal send skriflega á renteventiceland@gmail.com. Fyrirvarinn miðast við umsaminn afhendingartíma.
Fyrirvari og endurgreiðsla
| Fyrirvari | Endurgreiðsla |
|---|---|
| 7 dagar eða meira | Full endurgreiðsla |
| Minna en 7 dagar en að minnsta kosti 48 klst. | 50% endurgreiðsla, eða inneignarnóta fyrir fullri upphæð |
| Minna en 48 klst. | Engin endurgreiðsla |
Enginn 14 daga skilaréttur
Leiga á búnaði og þjónusta sem bókuð er á tiltekna dagsetningu er undanþegin almennum 14 daga rétti til að falla frá samningi samkvæmt lögum nr. 16/2016 um neytendasamninga. Í staðinn gilda reglurnar hér að ofan.
Hluti pöntunar
Sömu reglur gilda ef hluti pöntunar er afbókaður, til dæmis ef búnaði er fækkað.
Frestun
Sé viðburði frestað með að minnsta kosti 48 klst. fyrirvara má færa bókunina einu sinni á nýja dagsetningu án kostnaðar, ef búnaður er laus þann dag. Annars gilda afbókunarreglurnar.
Inneignarnóta
Inneignarnóta gildir í 24 mánuði frá útgáfu og má nota upp í hvaða leigu eða þjónustu sem er hjá RentEvent.
Framkvæmd
Endurgreitt er með sama greiðslumáta og notaður var við kaupin, innan 14 daga frá því að afbókun var samþykkt. Hafi reikningur verið gefinn út er kreditreikningur gefinn út á móti.
Afbókun af hálfu RentEvent
Geti RentEvent ekki afhent pantaðan búnað eða þjónustu af ástæðum sem varða RentEvent fær leigutaki fulla endurgreiðslu fyrir það sem ekki var afhent.
2Ábyrgð á búnaði og tjón
Leigutaki ber fulla ábyrgð á búnaðinum frá afhendingu og þar til RentEvent hefur sótt hann og yfirfarið. RentEvent hefur allt að 3 virka daga frá því að búnaður er sóttur til að yfirfara hann og tilkynna leigutaka um tjón.
Leigutaki skal fara vel með búnaðinn, nota hann eingöngu á þann hátt sem honum er ætlað og fylgja leiðbeiningum RentEvent. Óheimilt er að framleigja búnað, lána hann öðrum eða flytja hann af afhendingarstað án samþykkis RentEvent.
Tjón og týndur búnaður
Leigutaki greiðir fyrir búnað sem skemmist, brotnar eða týnist. Greiddur er viðgerðarkostnaður eða, sé viðgerð ekki möguleg, innkaupa- eða endurnýjunarvirði búnaðarins.
Eðlilegt slit
Leigutaki ber ekki ábyrgð á eðlilegu sliti sem fylgir venjulegri notkun, né á göllum sem voru á búnaði við afhendingu. Brot, rifur, brunagöt, beyglur og búnaður sem vantar teljast tjón.
Bilun á meðan á viðburði stendur
Bili búnaður skal leigutaki tilkynna það strax í síma 778 8817 svo RentEvent geti bætt úr. RentEvent gerir við búnaðinn eða útvegar annan sambærilegan eins fljótt og auðið er. Takist það ekki er leiguverð þeirrar vöru endurgreitt. Endurgreiðsla á ekki við ef bilun stafar af rangri notkun, og sé bilun ekki tilkynnt fyrr en eftir viðburð getur það haft áhrif á rétt til endurgreiðslu.
Seinkun á skilum
Dragist skil fram yfir umsaminn tíma reiknast aukaleiga fyrir hvern byrjaðan dag.
3Þrif, afhending og skil
Glös
Glös þarf ekki að vaska upp. Þrif á glösum eru innifalin í verði.
Annar búnaður
Öðrum búnaði, svo sem bjórdælum, borðum, bekkjum og tjöldum, skal skilað hreinum og í sama ástandi og tekið var við honum.
Tjöld
Tjöldum skal skilað þurrum og án límbands, skreytinga og annarra festinga.
Þrifgjald
Sé búnaði skilað óeðlilega óhreinum áskilur RentEvent sér rétt til að innheimta þrifgjald samkvæmt töflunni hér að neðan.
Leigutími
Leigutími er einn sólarhringur (24 klst.) eða einn viðburður, eftir því sem um semst við bókun.
Afhending og skil
RentEvent afhendir og sækir búnað á umsömdum tíma. Leigutaki, eða fulltrúi hans, skal vera á staðnum og tryggja greiðan aðgang.
Útkallsgjald
Sé enginn á staðnum til að taka á móti eða afhenda búnað á umsömdum tíma áskilur RentEvent sér rétt til að innheimta útkallsgjald, 14.900 kr., fyrir hverja aukaferð.
Þrifgjöld
| Búnaður | Þrifgjald |
|---|---|
| Veislutjald 5×8 m | 14.990 kr. |
| Veislutjald 4×5 m | 9.990 kr. |
| Bjórdæla | 4.990 kr. |
| Borð og bekkir (hvert sett) | 1.990 kr. |
| Útihitari | 1.990 kr. |
| Kokteilasett | 990 kr. |
| Glös | Innifalið í leigu |
4Veislutjöld, veður og óviðráðanleg atvik
Pláss og undirlag
Leigutaki ber ábyrgð á að nægilegt pláss og slétt, traust undirlag sé á staðnum, og staðfestir það við bókun. Veislutjald 5×8 m þarf slétt svæði sem er að minnsta kosti 6×9 m og veislutjald 4×5 m að minnsta kosti 5×6 m. Lofthæð þarf að vera að minnsta kosti 3 m.
Ekki hægt að reisa tjald vegna aðstæðna á staðnum
Sé ekki hægt að reisa tjald vegna plássleysis, undirlags eða aðgengis er hvorki leiga né uppsetningargjald endurgreitt. Það sama gildir um búnað sem pantaður var til notkunar í tjaldinu.
Vindmörk og öryggi
RentEvent áskilur sér rétt til að neita uppsetningu eða taka tjald niður ef vindspá eða vindur fer yfir öryggismörk tjaldsins, 10 m/s í meðalvindi eða 15 m/s í hviðum, eða ef aðstæður eru að öðru leyti óöruggar. Öryggi gesta og starfsfólks gengur ávallt fyrir.
Óveður og óviðráðanleg atvik (force majeure)
Komi óveður, lokaðir vegir, náttúruhamfarir, fyrirmæli stjórnvalda eða önnur óviðráðanleg atvik í veg fyrir afhendingu eða uppsetningu býðst leigutaka inneignarnóta eða færsla á nýjan dag, að frádregnum útlögðum kostnaði RentEvent. Hvorugur aðili ber skaðabótaábyrgð gagnvart hinum vegna slíkra atvika.
Ábyrgð eftir uppsetningu
Leigutaki ber ábyrgð á tjaldinu eftir að það hefur verið reist. Í vindi skal loka hliðum tjaldsins. Óheimilt er að fjarlægja eða færa festingar, hæla eða lóð. Versni veður skal leigutaki hafa samband við RentEvent án tafar.
Eldur og hitarar
Opinn eldur, grill og gashitarar eru óheimil inni í tjöldum.
5Barþjónusta
Tímagjald
Tímagjald og lágmarkstími gilda samkvæmt bókun.
Framlenging og yfirvinna
Vinna fram yfir umsaminn tíma er háð samþykki barþjóns á staðnum og reiknast fyrir hverja byrjaða hálfa klukkustund á gildandi tímagjaldi.
Forföll
Forfallist barþjónn reynir RentEvent að útvega staðgengil. Takist það ekki er þjónustan endurgreidd að fullu og takmarkast ábyrgð RentEvent við þá upphæð.
Áfengi og leyfi
Leigutaki leggur til alla drykki og ber ábyrgð á öllum leyfum sem viðburðurinn kann að krefjast. RentEvent selur ekki áfengi.
Réttur til að neita afgreiðslu
Barþjónar áskilja sér rétt til að neita að afgreiða ölvaða einstaklinga og þá sem eru yngri en 20 ára, og geta óskað eftir skilríkjum.
Aðstaða
Gestgjafi útvegar viðunandi vinnuaðstöðu, klaka og aðgang að rennandi vatni.
Vinnuumhverfi
Barþjónn má hætta störfum án endurgreiðslu verði hann fyrir ógnun, áreitni eða ofbeldi.
6Seldar vörur
Neytendur geta fallið frá kaupum á seldum vörum, svo sem sírópi og einnota glösum, innan 14 daga frá afhendingu og fengið endurgreitt, enda sé varan ónotuð og í órofnum umbúðum.
Rétturinn á ekki við um matvæli og aðrar innsiglaðar vörur eftir að innsigli hefur verið rofið.
Um galla á seldum vörum fer samkvæmt lögum nr. 48/2003 um neytendakaup.
7Ágreiningur
Komi upp ágreiningur um afgreiðslu máls biðjum við þig að hafa samband á renteventiceland@gmail.com og við svörum innan 5 virkra daga. Náist ekki samkomulag geta neytendur skotið málinu til kærunefndar vöru- og þjónustukaupa (www.kvth.is). Að öðru leyti gilda ákvæði almennra viðskiptaskilmála RentEvent um lög og varnarþing.
Ertu með spurningu?
Hringdu eða sendu okkur línu. Við svörum innan sólarhrings.